:: ضـرااّبهـ بيــن شيبــهـ وعيـوزتهـ :: ..

السلام عليكم ورحمة الله وبركاته


.



.



الشيبـــــــــــــــ ـــــــه:

قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب
العـــــــــــــــــ ــــيوز:

ما باقي غير خشمك وهالضرس .. تبغي تعرس وانت غادي شالغراب
قابل صلاتك الله يشفيك م المس .. والاّ ترى باطب ويهك بالتراب

الشيبـــــــــــــــ ـــــــه:

إنتي عيوز وأكلك الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب

العـــــــــــــــــ ــــيوز:

لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانقلع واقبض الباب

الشيبـــــــــــــــ ـــــــه:

دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب

العـــــــــــــــــ ــــيوز:

بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب

الشيبـــــــــــــــ ـــــــه:

فكيني من ويهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب

العـــــــــــــــــ ــــيوز:

مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب

الشيبـــــــــــــــ ـــــــه:

يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب

العـــــــــــــــــ ــــيوز:

مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجاب