مـايسترو العشــق

منتدى عام
 
الرئيسيةالبوابةالتسجيلدخولمكتبة الصور

شاطر | 
 

 |--*¨ هل انت منهم أو منهن ؟؟ ¨*--|

اذهب الى الأسفل 
كاتب الموضوعرسالة
روح البنفسج
نــائـب المـديــر
نــائـب المـديــر
avatar

ذكر عدد الرسائل : 1407
العمر : 28
الموقع : ღ قلـًـA`Dــًب ღ
العمل/الترفيه : تشجيع العين
المزاج : عيناوي
الاوسمـه :
تاريخ التسجيل : 17/04/2008

مُساهمةموضوع: |--*¨ هل انت منهم أو منهن ؟؟ ¨*--|   الإثنين مايو 12, 2008 6:44 am

السلام عليكم ورحمة الله وبركاته ..


الموضوع اليوم حاولت قد ما اقدر ارتبه ما استطعت ..

ولكني بحاول اصيغه عسب يدش العقول وياثر فالنفوس ..


قد يكون هالموضوع مطروح أكثر من مرة ..

وبأساليب مختلفه ..


قال الله تعالى :

" وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَانًا إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيمًا (23) وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِي صَغِيرًا (24) " .



من الآية الكريمة من سورة الاسراء الجميع على علم بالموضوع ..

نرجع الذاكرة للوراء .. ومقاعد الدراسة ..

حفظنا هالآية .. وكم سمعنا من النصايح من المدرسين والمدرسات ..

فهمنا وتأثرنا ..

واللي مسوي شي راجع نفسه ..


ولكن ..


ليش حالتنا دمرت لهذي الدرجة .. ؟؟

ليش صرنا ما نتأثر ؟؟



تلقى البنت ما تروم تتزحزح من مكانها لدرجة انها تامر على امها تجيب لها كاس ( ماي ) ..

والولد يصرخ على امه من وجه الباب بعالي صوته ..



قبل الوالد تلقى له كلمه ...

اللي فالبيت يهابونه ..



واليوم ما يقدر الأب يقول " كلمة " ..

بتلقى البنت والولد يهبون فوجهه ..

ناقص بس يضربون الام او الأب ..



والمصيبة لو يتقدم العمر ..

يزيد الاهمال ..


تلقاهم ما يدرون عنهم ..

يدشون ويطلعون من البيت ولا يطلون عليهم ..



وعندك بعض الشباب ما اقصد الجميع ..

من يعرس ..

الحرمه توزه ( اقصد تحرضه ) على امه او ابوه ..

بتلقاه يفرهم فملحق البيت ( هذا طيب وايد ) ..

أو بيفرهم فدار العجزه أو ( المسنين ) ..

وبتلقى حرمه الولد ما ترضى عيالها يزورون اجدادهم اذا كانوا فالبيت ..


والله هالشاب او الولد يحتاج لذبح ..


نسى كل شي ..

نسى سهرهم ..

نسى معاناتهم ..

ومن شاف نفسه ما يباهم ..

او يبا يطيع الاميرة اللي دشت حياته ..

استرخص أغلى من على هالارض لوحده دشت حياته للتو ..


ربي يشهد عليه اني اطبع واحس اني مخنوقه من اللي اكتبه ..

لاني كنت ابا اكتب هالموضوع من زمان ولكني كنت احس بضيقه ..



والله اني استغرب ..

ويزيد استغرابي ..

من اللي شفته وسمعته ..



وحده تقول لأمها : " سيري ولي " .

واحد يقول لامه :" جب " .


وحده تقول لصديقاتها عن ابوها : " هذا مخرف " .

وواحد : " يدز ابوه .. او يرفع ايده على امه " .



حالات وصور كثيره اشمئز من ذكرها ..


اذكر وحده من صديقاتي تحب تزور كبار السن اللي فدار المسنين ..

طلبت مني اسير وياها لكني اعتذرت لاني ما اروم اجابلهم ..


المهم وحده ولدها ما يزورها الا فحالة وحده :

" يزورها فراس كل شي .. عسب يستلم معاش الشئون منها "


واللي تلقاها تشاهد الباب او الممر تتريا طيف ولدها فأي حزه ..


واذا اختلطت ويا الكبار ( الرجال ) تسمع سوالفهم الحلوة ايام الصبر والجلد والمعاناة ..

يعاني .. ويحاول يداري دمعته .. ولكن ما تلقى الا دمعه نازله بسبب وضعه ..


فديتهم والله ..

وفديت ترابهم ..

وفديت رمستهم ..

وفديت حنيتهم ..

وفديت نصايحهم ..


ودي اكمل ..

ودي اظهر اللي فخاطري ..


ولكن قلبي طلب مني التوقف ..

وعيوني ما تتحمل الحزن ..


يا بخت من يراعي امه وابوه ..

ويا بخت من يدش ويظهر ويسمع دعوات الخير منهم ..



في الأخير :



الله يطول فاعمار آباءكم ..

والله يرحمهم ان كانوا تحت التراب ..


وحسيبك الله ياللي ظلمتهم ...



" الله يرحم امي وابوي .. دومكم ويايه .. فروحي وقلبي .. وطيفكم ويايه .. وما بطلع عن جزاكم .. "




والسموحة على هالبعثره ..

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الحب
عضو نشيط
عضو نشيط
avatar

ذكر عدد الرسائل : 231
الموقع : http://aseer-al7ob.hooxs.com
العمل/الترفيه : student
المزاج : normal
الاوسمـه :
تاريخ التسجيل : 07/05/2008

مُساهمةموضوع: رد: |--*¨ هل انت منهم أو منهن ؟؟ ¨*--|   الإثنين مايو 12, 2008 7:21 am

لا حول ولا قوة الا بالله العلي العظيم

قال صلى الله عليه وسلم Sad( إن من الكبائر أن يسب الرجل والديه قيل وهل يسب الرجل والديه قال نعم يسب الرجل ابا الرجل فيسب أباه ويسب أمه فيسب أمه )))

ومع الأسف نحن الآن في زمان لا يسب الرجل باب الرجل
بل يسب الرجل أباه مباشرة

اللهم توفنا وأنت راض عنا
وارض اللهم على والدي
وارحمهما كما ربياني صغيرااااا


جزاك الله خيراااا اخوي الغالي رووووح البنفسج على الطررررررررح المتميز
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://aseer-al7ob.hooxs.com
روح البنفسج
نــائـب المـديــر
نــائـب المـديــر
avatar

ذكر عدد الرسائل : 1407
العمر : 28
الموقع : ღ قلـًـA`Dــًب ღ
العمل/الترفيه : تشجيع العين
المزاج : عيناوي
الاوسمـه :
تاريخ التسجيل : 17/04/2008

مُساهمةموضوع: رد: |--*¨ هل انت منهم أو منهن ؟؟ ¨*--|   الإثنين مايو 12, 2008 7:35 am

العفو

ومشكوووووووووووور ع مرورك الحلو

_________________






الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
|--*¨ هل انت منهم أو منهن ؟؟ ¨*--|
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـايسترو العشــق  :: القسـم العام :: ساحه المواضيـع العـامــه-
انتقل الى: