أمشي وأعد أخطاي وأحاتي المنقود

₪ أمشي وأعد أخطاي وأحاتي المنقود .. وأحاتي من ورايه بو شاربن مقلود ₪
مرحبا ملايين ولا يسدن وان زادن لا باس
>
>
>
" قصه تراثيه "... وتعرفون حزاوي الأولين فيها من الدروس الكثير
وعيبتنيه هالحزايه وحبيت أكتبها لكم
أخليكم معاها :

في عيال عم اثنين .. وكل واحد عنده أخت .. أخت الأول ..
حلوه .. وأخت الثاني مافيها شي من الجمال ... قال الأول للثاني .. أختي أحلى من
أختك .. انا بيوزك أختيه بس بشرط أنك تزيد فالمهر ....
الثاني ماطاع .. قاله أنا بتزوج حرمه وانت بتتزوج حرمه ماشي فرق
المهم .. تموا يتناقشون .. عقب قال الثاني للأول .. قم بنسير وراهن ... وهن يعبن
من الطوي .. وساروا الأخوان ورا خواتهم
يوم وصلن النتين
قالت إللي مافيها جمال للحلوه : أخويه يبا ياخذج
قالت لها الحلوه .. يهبي ..
اناحلوه ويميلت هايه ومن الولي ما أخاف ... والعمر بثاقله يعله على الأتلاف
ردت عليها الثانيه :
أمشي وأعد أخطاي وأحاتي المنقود .. وأحاتي من ورايه بو شاربن مقلود
قالتها الحلوه : عيدي عيدي شوه قلتي قالت لها أمشي وأعد أخطاي وأحاتي المنقود .. وأحاتي من ورايه بو شاربن مقلود
ردت عليها هيه
حلوه ويميلت هايه ومن الولي ما أخاف ... والعمر بثاقله يعله على الأتلاف
ويوم سمع أخو الحلوه رمستها سار وذبحها .. وقال لولد عمه أختار واتنقى من بنات
العرب وأنا بيوزك إياها .... لكن أختي ما تستاهل حتى انها تعيش
وهو خذ بنت عمه
((عمره المغرووور ما بيعيش ف الدنيا هاني ومريح البااال ..))